BLOG.MUGENLINK.COM

Сүүлийн үед Улаанбаатар хот болон түүний ойр орчимд газар хөдлөлт болно гэсэн мэдээлэл зурагт болон янз бүрийн мэдээллийн сайт дээр харагдах боллоо. Ийм мэдээлэл цацаж хүмүүсийн анхаарлыг сайжруулах нь сайн хэрэг байж болох ч газар хөдлөлтийн аюулаас хэрхэн сэргийлэх вэ? гэсэн мэдээлэл нэгийг ч олж хараагүйдээ сэтгэл жаахан гонсгор үлдлээ. Байгалын үзэгдлийг бид зогсоож чадахгүй нь тодорхой, бас газар хөдлөлтийг хэдхэн секундийн өмнө л урьдчилан мэдэх боломж байдаг гэж ярьцгаах мөртлөө хамгийн гол зүйлээ орхигдуулаад зүгээр л газар хөдлөл гэдэг зүйлээр сенсац тарисан мэт санагдсан учир газар хөдлөлтийн аюулаас хэрхэн өөрийгөө хамгаалах тухай мэдээллийг хүргэе. /доорх мэдээллийг Япон улсын Сайтама мужийн Фүжими хотын вэб сайт дээрээс орчуулав/

Гэртээ байх үед

Өмнөх тохиолдлуудаас харахад хүчтэй чичрэлт удаандаа 1 минут орчим үргэлжлээд намжсан байдаг. Иймд яаран гэрээсээ гарахаа азнаж ямар нэгэн зүйл унаж ирээд таныг цохихооргүй газар олон биеэ аль болох халхалах хэрэгтэй. Тайван байх нь хамгийн чухал. Хэрэв та айж сандран чичрэлтийг мэдэрмэгцээ гүйн гарвал ид чичрэлт дунд таны дээрээс юу ч унаж юу ч тохиолдож мэднэ. Хэрвээ гал гарлаа ч гэсэн газар авч том гал болтол хугацаа хэрэгтэй. Иймд хамгийн гол нь тайван байх асуудал юм.

1. Чичрэлт мэдрэгдэхэд юуны түрүүнд биеэ хамгаална. Гэмтэж бэртвэл дараагийн үйлдлээ хийхэд хэцүү.
2. Чичрэлт намжхад цахилгаан хэрэгслээ салгана.
3. Яарч гадаа гарахгүй хүлээцтэй тайван сэрэмжтэй байх.
4. Хаалгаа онгойлгон гарах гарцаа бодно.
5. Хагархай шилээс болгоомжилж, тог тасрах тохиолдлыг тооцож гар чийдэн болон таавчиг гутал бэлтгэнэ
6. Гарах тохиолдолд алхаад тайван гарна

Гадуур байх үед

- Гадаа алхаж байхад
Аль болох байшин барилганаас холхон өргөн замыг хайна.
- Газар доорх байгууламж
Газар доорх байгууламж нь газар хөдлөлтөнд тэсвэртэй учир тайван байж болох ч тог тасарч гал гарах аюултай учир аль болох гарах хаалга хайна.
- Дэлгүүр болон олон нийтийн байгууламж
Гарах хаалга руу шууд дайралгүй биеэ хамгаална. Бүгд гарах хаалга руу дайрвал бөглөрөл үүснэ.
- Автобус болон нийтийн тээврийн хэрэгсэл
Тайван байж гарах хаалга руу дайрахгүй мөн ойр орчмоо тайвшруулан чичрэлт намжхаар гарна.

Аюул тохиолдсон үед зориулан бэлдэх зүйлс

Гэр бүлийнхаа бүтцээс хамааран хэрэгтэй зүйлсээ бэлдэн авч гарахад бэлэн байлгавал зүгээр
- Хүнсний зүйлс /цэвэр ус, хатаасан талх болон жигэмнэг, лаазласан бүтэгдэхүүн г.м
- Анхны тусламж үзүүлэх хэрэгсэл /хэрэгцээт эм болон боолт, хамгаалалтын малгай г.м
- Хувцас /дотуур хувцас, оймс, хөнжил бүтээлэг, алчуур, бээлий
- Өдөр тутмын хэрэгцээт зүйлс /жижиг радио, гар чийдэн, лаа, зай, хайч болон хутга, уяа, шүдэнз асаагуур, салфетка, дэвтэр үзэг
- Чухал зүйлс /бэлэн мөнгө, тамга, хадгаламжийн дэвтэр болон хуулбар, эрүүл мэндийн даатгал, жолооны болон иргэний үнэмлэх

Усанд сэлэх болон түүний ач холбогдлын тухай.

*Булчин болон үе мөч амарч тайвширдаг

Газар дээр амьдарч байхад байнга агаарын даралтанд автагдан ямар нэгэн булчин ажилж байдаг. Үүнийг даралт эсэргүүцэх булчин гэх бөгөөд ихэвчлэн нурууны булчингууд энэ үүргийг гүйцэтгэдэг. Энэ булчингуудыг хэт их ажиллуулснаар булчин чангарч хатууран булчингийн судас нарийсан цусны эргэлтийг муутгадаг. Үүний үр дүн эд эсэнд цусан дахь тэжээл бүрэн гүйцэд хүрэхгүй болж өвдөлт үүсгэдэг. Шар ус хурж нуруугаар хөшиж өвдөх гол шалтгаан юм.
Усанд ороход эдгээр булчингийн ачаалал багасч сулардаг. Булчин агаарын даралтаас гардаг учраас юм. Ингэж булчин суларснаар судас өргөсч эд эсэнд тэжээлээ сайн хүргэснээр өвдөлтийг багасгадаг. Мөн суларсан булчиндаа сунгалтын дасгал хийснээр улам уян зөөлөн болгож үе мөчний хамрах хүрээг тэлж өгнө. Ингэснээр хөдөлгөөний хүрээгээ тэлж ямарч хөдөлгөөнийг төвөггүй хийж чаддаг болдог.

Бүхэл бүтэн таван сар орчим блогоо хөтөлсөнгүй орхигдуулсан байна. Одооноос эхлээд сайн бичиж байхаар урьд урьдныхаасаа илүүтэйгээр хичээнээ. Завсардсан шалтгаан гэвэл оны эцэсд маш их ажилтай байсан тул блог бичих зав байсангүй.
Заа тэгхээр энэ таван сарын хооронд шинэ жил цагаан сар гээд их олон үйл явдал болж өнгөрчээ. Манай хамт олон шинэ жилээ 12 сарын 24нд тэмдэглэсэн. Зураг оруулах гэсэн боловч эсэргүүцэлтэй тулгарсан тул болив.
Цагаан сарын шинийн 2нд захирлындаа бөөнөөрөө айлчлан золгуут хийсэн.
Мартын 8ны хүвьд би биечлэн байгаагүй тул яг тодорхой мэдэхгүй байна. Ямар ч байсан гоё бэлэг авсан. Нээрэн баярлалаа гэж хэл амжаагүй байгаа юм байна. Их гоё цэцэг шоколаад бэлэглэсэн явдалд талархалаа. Амтархан зооглосон. Удахгүй цэргийн байр болох нь дээ. Охидуудаа хэдүүлээ юу хийх үү хэхэ.

Сүүлийн үеийн шинэ мэдээ гэвэл манайх нүүхээр бараг л шийдэгдэж байгаа. Одооныхоосоо арай том олон өрөөтөй оффиостой болох магадлал тун өндөр байгаа. Байрлалын хувьд одоо байгаа газартайгаа их ойрхон л доо. Хэдхэн алхаад л орчихно. За нүүдэл суудал гээд бас их юм болох байхдаа. Манай компань байгуулагдсанаас хойшхи анхны нүүдэл болно.

За өөр бичхээр зүйл олдохгүй байгаа тул энэ хүргээд өндөрлөе дөө. Дараа арай сонирхолтой юм оруулна. Энэ болтол уншсанд баярлалаа.